Менаџер на продавница

**Менаџерот на продавница**
е одговорен за секојдневните оперативни активности во продажниот објект. Развива стратегии за подобрување на услугата кон клиентите, се грижи за зголемување на продажбата и маржата, воведување и одржување на процедури за работа во продажниот објект и предлози за маркетинг програми и активности со цел зголемување на продажбата и воспоставување на мрежа на лојални купувачи. Се грижи за продажниот тим кој му репортира, ги обучува, развива и дисциплинира вработените.

**Главни обврски и одговорности**

- **Менаџирање на продавница:**

1.   Управување со продажните процеси во продажниот објект.

2.   Обезбедување на почитување на правилата на брендот и неговите специфики.

3.   Организирање и супервизија на активностите во продажниот објект: прием на производи, изложување и визуелно уредување на производите, одржување на хигиена и укажување на потреби за одржување на продажниот објект.

4.   Изготвување и одржување на документацијата поврзана со работењето на продажниот објект и во согласност со законските регулативи.

5.   Разрешување на проблематични ситуации од секаков вид: логистички, организациони, поплаки од купувачи и сл.

6.   Организација и проверка на онлајн продажбата.

7.   Водење евиденција за залихата и редовно надополнување.

8.   Следење на продажни и модни трендови.

- **Комерцијални активности:**

1.   Следење и анализа на посетеноста, дневниот промет, продажни трендови и предвидување идни продажби.

2.   Следење и анализа на тековното работење и изготвување извештаи на неделно, месечно, квартално и годишно ниво за работењето на брендот и продажниот објект.

3.   Учество на конвенции со цел купување на производи од брендот.

- **Работа поврзана со членовите на тимот и во корелација со одделот за ЧР:**

1.   Изготовка на сменски распоред за работа на членовите на тимот.

2.   Евиденција за присуство/отсуство, одобрување отсуство и евиденција на работните часови со цел подготовка на плата за вработените во продажните објекти.

3.   Делегирање и распоред на работните обврски на членовите на тимот.

4.   Воведување во работните процеси на нововработените.

5.   Известување на вработените за секаков вид на промени.

6.   Проценка за потребните човечки ресурси и вештините неопходни за работните позиции.

7.   Утврдување тренинг потреби и изнаоѓање решенија за подобрување на работната ефикасност.

8.   Мотивација и задоволство на вработените.

9.   Управување со работни проблеми и конфликти.