NJOFTIM PËR VENDE TË LIRA PUNE “ADMINISTRATOR NË FAKULTETIN E MJEKËSISË”, “AMINISTRATOR NË FAKULTETIN E SHKENCAVE MJEKËSORE TEKNIKE” DHE “ADMINISTRATOR NË FAKULTETIN E MJEKËSISË DENTARE”

Universiteti i Mjekësisë, Tiranë, Shpall Konkursin Për Pozicione Pune Bazuar Në Ligjin Nr.80/2015 “Për Arsimin e Lartë Dhe Kërkimin Shkencor Në Institucionet e Arsimit Të Lartë Në Republikën e Shqipërisë” Dhe Vendimin Nr. 6 Datë 20.02.2018 Të Bordit Të Administrimit Të Universitetit Të Mjekësisë, Tiranë , Për Vendet e Punës



- Administrator në Fakultetin e Mjekësisë
- Administrator në Fakultetin e Shkencave Mjekësore Teknike
- Administrator në Fakultetin e Mjekësisë Dentare

**Përshkrimi Përgjithësues i Punës**
Sipas nenit 54
*“*
*Funksionet e administratorit të njësisë kryesore në institucionet e arsimit të lartë”*
të ligjit nr.80/2015
*“Për Arsimin e Lartë dhe kërkimin shkencor në institucionet e arsimit të lartë në Republikën e Shqipërisë*
”.



- Kriteret:

**Kandidati Duhet Të Plotësojë Këto Kritere**

- Të jetë shtetas shqiptar;
- Të ketë arsim të lartë, së paku në nivelin “Master i Shkencave” në fushën e drejtësisë ose të ekonomisë dhe përvojë pune së paku 5 (pesë) vite në këto fusha;
- Të ketë përvojë pune në buxhetimin dhe menaxhimin e fondeve, së paku 3 (tre) vjet;
- Të mos jetë i dënuar për ndjekje penale dhe të mos jetë dhënë ndaj tij masë e sigurimit personal;
- Të mos jetë i dënuar për vepra penale me vendim gjyqësor të formës së prerë;
- Të mos jetë marrë ndaj tij masa disiplinore që nuk është shuar sipas ligjit;
- Të ketë vlerësime pozitive të përvojave të mëparshme të punës;
- Të zotërojë gjuhën angleze, një gjuhë e dytë e Komunitetit Evropian përbën avantazh.

Kandidatët duhet të dorëzojnë dokumentat si më poshtë:



- Kërkesë me shkrim për aplikim;
- Jetëshkrim (CV) sipas formatit standard (europass);
- Fotokopje të pasaportës ose kartës së identitetit;
- Kopje të noteruar e diplomës/diplomave dhe/ose njehësimin e tyre në MAS (për diplomat e marra jashtë vendit), bashkë me listë notash të noteruara (të dy cikleve të studimit);
- Kopje e librezës së punës e noteruar;
- Vërtetim i gjendjes shëndetësore (Raport mjekësor për aftësitë në punë);
- Vërtetim i gjendjes gjyqësore, vetëdeklarim sipas formës së kërkuar nga ligji;
- Vërtetim nga punëdhënës të mëparshëm, që nuk ka masë disiplinore në fuqi;
- Dëshmi të njohjes të gjuhës së huaj (të noteruar);
- Dokument tjetër që vërteton trajnimet, kualifikimet, arsimin shtesë, apo të tjera të përmenduara në jetëshkrim;
- Referenca nga punëdhënësit të mëparshëm që provojnë vlerësime pozitive në punë;
- Dëshmi penaliteti.

Dorëzimi i dokumentacionit duhet të bëhet brenda 15 (pesëmbëdhjetë) ditëve nga shpallja, pranë Zyrës së Protokollit të Universitetit të Mjekësisë, Tiranë.


***Afati i dorëzimit të dokumentacionit***
me postë ose dorazi:
**05.03.2018 – 19.03.2018.**
Përzgjedhja e kandidatit fitues do të bëhet nëpërmjët konkurimit me dosje dhe me intervista të drejtëpërdrejta.



- Fusha e njohurive, aftësive dhe cilësitë të cilat do të zhvillohet intervista:
- Njohuri mbi ligjin nr.80/2015“Për Arsimin e Lartë dhe kërkimin shkencor në institucionet e arsimit të lartë në Republikën e Shqipërisë”;
- Njohuri mbi ligjin nr. 10296, datë 08.07.2010, I ndryshuar me Ligjin nr. 110/2015, datë 15.10.2015 “Për menaxhimin financiar dhe kontrollin”;
- Njohuri mbi ligjin nr.9936, datë 26.6.2008 “Për menaxhimin e sistemit buxhetor në Republikën e Shqipërisë”, i ndryshuar;
- Njohuri mbi ligjin nr. 9643, datë 20.11.2006, ndryshuar me ligjin ligjin Nr. 47/2017 “Për prokurimin publik”;
- Njohuri mbi ligjin nr.44/2015 “Kodi i Procedurave Administrative i Republikës së Shqipërisë”;
- Njohuri të akteve nënligjore në fuqi për fushën e arsimit të lartë, procedurave administrative, prokurimit publik dhe buxhetit.
- Mënyra e vlerësimit:

Në lidhje me dokumentacionin e dorëzuar kandidatët do të vlerësohen për përvojën, trajnimet apo kualifikimet e lidhura me fushën.


Në lidhje me intervistën e punës kandidatët do të vlerësohen për njohuritë mbi legjislacionin e sipërcituar, aftësitë, kompetencat, eksperiencën e tyre të mëparshme, motivimin, aspiratat si dhe pritshmëritë e tyre për karrierën.


Për çdo paqartësi mund të dërgohet email në adresën info@umed.edu.al.


***Publikuar më 28.02.2018.***
28 February, 2018 |


Previous


NJOFTIM PËR VEND TË LIRË PUNE 15.01.2018


Next


NJOFTIM PËR VENDE TË LIRA PUNE: PERSONEL AKADEMIK ME KONTRATË 1 (NJË) VJEÇARE NË DEPARTAMENTIN E DIAGNOSTIKËS DHE REHABILITITMIT SHËNDETËSOR DHE INFERMIERISTIKËS NË KIRURGJI, INFERMIERISTIKËS NË OBSTETRIK GJINEKOLOGJI, PROFILI “IMAZHERI” NË FAKULTETIN E SHKENCAVE MJEKËSORE TEKNIKE