KRITERET E PUNËSIMIT PËR PERSONEL AKADEMIK, ME KOHË TË PLOTË, NË SHËRBIMIN E URGJENCËS MJEKËSORE, NË DEPARTAMENTIN KIRURGJISË, NË UNIVERSITETIN E MJEKËSISË, TIRANË

Bazuar në ligjin nr. 80/2015, “
*Për arsimin e lartë dhe kërkimin shkencor në institucionet e arsimit të lartë në Republikën e Shqipërisë*
”, Universiteti i Mjekësisë, Tiranë, shpall konkursin për pozicionin e punës, Personel Akademik, në Shërbimin e Urgjencës Mjekësore, në Departamentin e Kirurgjisë, në Fakultetin e Mjekësisë.


**Kriteret**
**Kritere Të Përgjithshme**
Kandidatët për personel akademik, me kohë të plotë, në Shërbimin e Urgjencës Mjekësore, në Departamentin Kirurgjisë, në Fakultetin e Mjekësisë, duhet të plotësojnë këto kritere:



- Të jetë diplomuar në Fakultetin e Mjekësisë, dega Mjekësi e Përgjithshme, studime Universitare brenda ose jashtë vendit, me notë mesatare mbi 8 (tetë)
- Të zotëroj aftësitë e nevojshme profesionale për vendin e punës, për të cilin konkuron.
- Të zotëroj me dëshmi një gjuhë të huaj perëndimore (Anglisht, Frengjisht, Gjermanisht, Italisht, Spanjisht)
- Të ketë liçencën për ushtim individual të profesionit, lëshuar nga Urdhri I Mjekëve.
- Të jetë shtetas shqiptar
- Të zotëroj gjuhën shqipe, të shkruar dhe të folur;
- Të ketë zotësi të plotë për të vepruar;
- Të jetë në kushte shëndetësore që e lejojnë të kryejë detyrën përkatëse;
- Të mos jetë i dënuar me vendim të formës së prerë nga gjykata;
- Të mos jetë marrë ndaj tij masa disiplinore e largimit nga puna nga Universiteti I Mjekësisë Tiranë dhe nga Insitucione të tjera të edukimit.

**Kritere Specifike**

- Të ketë përfunduar studimet në një program specializimi pasuniversitar në një nga fushat e mjekësisë klinike;
- Të ketë eksperiencë pune si mjek të paktën 5 vite;
- Të ketë eksperiencë në mësimëdhënie në lëndën e Mjekësisë së Urgjencës.
- Të ketë liçencën për ushtrimin e profesionit në specialitetin përkatës, të lëshuar nga Urdhri i Mjekëvë.
- Të ketë kualifikime apo specializime në fushën e Mjekësisë së Urgjencës.

**Kritere Preferenciale**

- Preferohen kandidatë që zotërojnë diplomë specializimi “Specialist Mjek Urgjence” dhe me notë mesatare specializimi mbi 9.0.
- Preferohen kandidatë që kanë nivel të mirë të njohjes së gjuhës angleze (minimalisht niveli B2)
- Preferohen kandidatë që kanë marrë tituj akademik në fushën përkatëse (ose që janë në proces)
- Preferohen kandidatë që kanë marrë pjesë në veprimtari/aktivitete shkencore në fushën e Mjekësisë së Urgjencës.
- Preferohen kandidatët me 2 ose më shumë gjuhë të huaja

**Dokumentacioni i kërkuar**
Kandidatët Që Aplikojnë, Duhet Të Dorëzojnë Pranë Zyrës Së Burimeve Njerëzore, Në Fakultetin e Mjekësisë, Dosjen Personale ( Të Inventarizuar), Me Dokumentat Si Më Poshtë



- Kërkesë me shkrim për aplikim;
- Jetëshkrimin (CV) sipas formatit standard (europass);
- Fotokopje të pasaportës ose kartës së identitetit;
- Kopje e noterizuar e diplomës/diplomave dhe njëhsimin e tyre në MAS (për diplomat e marra jashtë vendit), bashkë me listën e notave të noterizuara (për secilin program përkatës studimi);
- Dëshmi të kualifikimeve pasuniversitare ose të gradave dhe titujve (fotokopje të noteruara). Për diplomat master ose PhD të marra në universitetet e huaja, duhet të dorëzohet fotokopje e noteruar e çertifikatës së njohjes nga organi competent ose vërtetim që janë në proçes njohje.
- Kopje e noterizuar e liçencave për ushtrimin individual të profesionit, lëshuar nga Urdhri i Mjekëve.
- Dëshmi të pjesëmarrjes në konferenca apo seminare etj.
- Të paktën dy referenca nga profesorë.
- Kopje e noterizuar e librezës së punës(të gjitha faqet që vërtetojnë eksperiencën në punë);
- Kopje e noterizuar e dëshmisë së njohjes së gjuhës së huaj;
- Kopje të artikujve, teksteve, revista, projekte shkencore etj.
- Vërtetim i gjendjes shëndetësore të marrë brenda tre muajve të fundit (raport mjekësor për aftësinë në punë);
- Vërtetim nga gjykata dhe prokuroria.
- Dëshmi penaliteti të marrë brenda tre muajve të fundit.

***Afati i dorëzimit të dokumentacionit***
:
**10.0**
**6.2019-**
**21.0**
**6.2019 (10 ditë pune)**
**Fusha e njohurive, aftësive dhe cilësitë të cilat do të zhvillohet intervista:**

- Njohuri mbi ligjin nr. 80/2015 datë 22.07.2015, “Për arsimin e lartë dhe kërkimin shkencor në institucionet e arsimit të lartë në Republikën e Shqipërisë”.
- Njohuri të akteve ligjore dhe nënligjore në fuqi për fushën e mësimëdhënies në institucionet e arsimit të lartë.

**Mënyra e Vlerësimit**
Përzgjedhja e kandidatit fitues do të bëhet nëpërmjët konkurimit me dosje dhe me intervista të drejtëpërdrejta.


Në lidhje me dokumentacionin e dorëzuar kandidatët do të vlerësohen për përvojën, trajnimet apo kualifikimet e lidhura me fushën.


Në lidhje me intervistën e punës kandidatët do të vlerësohen për njohuritë mbi legjislacionin e sipërcituar, aftësitë, kompetencat, eksperiencën e tyre të mëparshme, motivimin, aspiratat si dhe pritshmëritë e tyre për karrierën.


Vlerësimi do të bëhet sipas formularit të vlerësimit të kandidatëve për personel akademik i miratuar nga Senati Akademik i Universitetit të Mjekësisë, Tiranë, i publikuar në faqen zyrtare www.umed.edu.al


Për çdo paqartësi mund të dërgohet email në adresën info@umed.edu.al


10 June, 2019 |


Previous


PUBLIKOHEN KRITERET E PUNËSIMIT PËR “SPECIALIST” PRANË NJËSISË SË AUDITIMIT TË BRENDSHËM NË UNIVERSITETIN E MJEKËSISË, TIRANË


Next


KRITERET E PUNËSIMIT PËR PERSONEL AKADEMIK, NË SHËRBIMIN E PNEUMOLOGJISË, NË DEPARTAMENTIN E SËMUNDJEVE TË BRENDSHME NË UNIVERSITETIN E MJEKËSISË, TIRANË