Njoftim për pozicionin e punës personel administrativ “Punonjës Mirëmbajtje” në Sektorin e Shërbimeve dhe Investimeve, Drejtoria e Shërbimeve Mbështetëse, Universiteti i Mjekësisë, Tiranë”

Bazuar Në Ligjin Nr. 80/2015 “Për Arsimin e Lartë Dhe Kërkimin Shkencor Në Institucionet e Arsimit Të Lartë Në Republikën e Shqipërisë; Statutin Dhe Rregulloren e Universitetit Të Mjekësisë, Tiranë, Vendimin e Bordit Të Administrimit Nr. 63, Datë 08.10.2021 “Për Miratimin e Kritereve Të Punësimit Të Personelit Administrativ Të UMT-së”, i Ndryshuarsi Dhe Në Urdhrin e Administratorit Të UMT-së Nr. 65, Datë 08.04.2026 “Për Fillimin e Procedurës Së Punësimit Për Pozicionin e Punës Personel Administrativ “Punonjës Mirëmbajtje” Në Sektorin e Shërbimeve Dhe Investimeve, Drejtoria e Shërbimeve Mbështetëse, Universiteti i Mjekësisë, Tiranë”, Shpallet Konkursi Për 1 (një) Vend Të Lirë Pune “Punonjës Mirëmbajtje” Në Sektorin e Shërbimeve Dhe Investimeve, Drejtoria e Shërbimeve Mbështetëse, UMT, Si Më Poshtë



- Përshkrimi përgjithësues i punës:
- Merren me mirëmbajtjen e Institucionit dhe kryen rregullime të tavolinave, dritareve, vendosje brava, xhama, rregullime të ndryshme mekanike, hidraulike, çbllokim banjo;
- Përgjigjet në kohë, kryen dhe ndihmon në lëvizjen e materialeve brenda institucionit;
- Për problematikat gjatë punës koordinon me teknikun e specialiteteve të ndryshme dhe një nga specialistët e Sektorit të Shërbimeve dhe Investimeve.
- Kushtet dhe kriteret e përgjithshme që duhet të plotësojë kandidati janë:
- Të jetë shtetas shqiptar me ketë zotësi të plotë për të vepruar;
- Të zotërojë gjuhën shqipe, të shkruar dhe të folur;
- Të zotëroj aftësitë e nevojshme profesionale për vendin e punës për të cilën konkurron;
- Të kenë përfunduar studimet e ciklit tetë / nëntë vjeçar ose të mesme
- Të jetë në kushte shëndetësore që e lejojnë të kryejë detyrën përkatëse;
- Të mos jetë dënuar me vendim të formës së prerë të gjykatës për kryerjen e një krimi apo për kryerjen e një kundravajtje penale me dashje;
- Ndaj tij/saj të mos jetë marrë ndonjë masë disiplinore, për largimin nga detyra dhe që nuk është shuar sipas ligjit;
- Të ketë vlerësime pozitive të përvojave të mëparshme të punës.
- Dokumentacioni i kërkuar:
- Kërkesë me shkrim për aplikim;
- Jetëshkrimin (CV) sipas formatit standard (europass);
- Fotokopje të pasaportës ose kartës së identitetit;
- Kopje e noterizuar e diplomës/diplomave dhe njehsimin e tyre në MAS (për diplomat e marra jashtë vendit), bashkë me listën e notave të noterizuara (për ciklet përkatëse të studimit);
- Kopje e noterizuar e librezës së punës (të gjitha faqet që vërtetojnë eksperiencën në punë);
- Vërtetim i gjendjes shëndetësore të marrë brenda tre muajve të fundit nga data e aplikimit (raport mjekësor për aftësinë në punë);
- Dëshmi penaliteti të marrë brenda tre muajve të fundit nga data e aplikimit;
- Formular vetëdeklarimi kërkuar nga ligji nr.138/2015;
- Vërtetim nga punëdhënësi i fundit në kohë, që nuk ka masë disiplinore në fuqi;
- Dokument tjetër që vërteton trajnimet, kualifikimet, arsimin shtesë, apo të tjera të përmendura në jetëshkrimin tuaj;
- Referenca nga punëdhënës të mëparshëm, që provojnë vlerësimet pozitive në punë.

Kandidatët e interesuar, duhet të dorëzojnë dokumentacionin e kërkuar origjinal ose të njehsuar me origjinalin (të inventarizuar), pranë zyrës së Protokoll Arkivës, në Rektoratin e Universitetit të Mjekësisë, Tiranë (Adresa: Rruga e Dibrës, Nr.371, 1005, Tiranë).


Mosdorëzimi i dokumentacionit të plotë të kërkuara më sipër apo dorëzimi jo në formën e specifikuar, sjell skualifikim të kandidatit.


Afati i aplikimit dhe dorëzimit të dokumentacionit nga kandidatët
**është brenda 15
*(pesëmbëdhjetë)***
**ditëve**
**kalendarike**
**nga shpallja e njoftimit në buletinin e APP-së.**

- Mënyra e vlerësimit:

Në lidhje me dokumentacionin e dorëzuar kandidatët do të vlerësohen për përvojën, trajnimet apo kualifikimet e lidhura me fushën.


Në lidhje me intervistën e punës kandidatët do të vlerësohen për njohuritë, aftësitë, kompetencën në lidhje me përshkrimin e pozicionit të punës, eksperiencën e tyre të mëparshme, motivimin, aspiratat dhe pritshmëritë e tyre për karrierën.


Përzgjedhja e kandidatit fitues do të bëhet nëpërmjet konkurrimit me dosje dhe me intervista të drejtpërdrejta. Për çdo paqartësi mund të kontaktoni në adresën info@umed.edu.al


15 April, 2026 |


Previous


Njoftim për pozicionin e punës personel administrativ “Specialist” në Njësinë e Auditimit të Brendshëm, Universitetin e Mjekësisë, Tiranë”


Next


Hapet thirrja për bursë për studentët e Universitetit të Mjekësisë, Tiranë, për mobilitet në kuadër të programit europian COMMO IX Erasmus+ KA171.