SPECIALIST per Kartat Bankare, Departamenti i Operacioneve, Sektori RECON

**Përshkrim i përgjithshëm i pozicionit:**

Specialisti/tja nën drejtimin e Përgjegjësit të Sektorit, duhet të menaxhojë proceset e lidhura me lëshimin, mirëmbajtjen, sigurinë dhe funksionalitetin e kartave bankare. Të ndjekë procesin e rikonsilimit te transaksioneve të kryera me karta dhe faturimet nga furnitorët. Kandidati duhet të ofrojë një shërbim cilësor në përmbushje të standardeve teknike dhe standarteve të sigurisë.

**Detyrat dhe Përgjegjësitë:**

· Procesimi i kërkesave për lëshimin e kartave të reja, zëvendësimi i kartave ekzistuese.

· Ndjekja e procersit te prodhimit, shpërndarjes, aktivizimit dhe mbajtja e inventarit të kartave.

· Komunikimi me klientët për çështje teknike dhe funksionale të kartave.

· Monitorimi i transaksioneve të kryera me karta dhe rikonsilimi i tyre.

· Ndjekja e procesit të shlyerjes së detyrimeve dhe monitorimi i faturimeve nga furnitorët dhe MasterCard.

· Bashkëpunimi me departamentet e tjera në kompani për procese që lidhen aktivitetin e kartave.

· Përgatitja e raporteve periodike.

· Të njihet dhe të veprojë në përputhje me rregulloret e Union Financiar Tiranë.

· Të kryejë detyra të vecanta të ngarkuara nga Përgjegjësi i Sektorit dhe Drejtori i Operacioneve.

**Kualifikime dhe Kërkesa**

· Të ketë Arsim të Lartë (preferohet Faklulteti Ekonomik, Financë, Biznes)

· Të ketë eksperience pune mundësisht mbi 2-vjet në pozicion të njëjtë

· Të ketë njohuri në përdorimin e programit Smart Vista.

· Të ketë aftësi të mira analitike dhe të jetë i vëmendshëm ndaj detajeve.

· Të zotërojë shumë mirë paketën Microsoft Office.

· Të ketë aftësi shumë të mira komunikimi dhe bashkëpunimi.

· Të ketë njohuri të gjuhës Angleze.

Kandidatët e interesuar janë të lutur të dërgojnë një CV pranë Departamentit të Burimeve Njerëzore jo

më vonë se data
**9 JANAR 2026**
ne adresen e e-mailit:
**hr@uft.al.**

Union Financiar Tiranë (UFT) është agjenti i vetëm i Western Union Financial Services Inc. për Shqipërinë, që nga viti 1995 dhe Institucioni i Parasë elektronike. UFT operon në Shqipëri, Kosovë, Maqedoninë e Veriut, Kroaci dhe Zvicër. Gjatë 30 viteve të aktivitetit në Shqipëri, UFT ka ngritur rrjetin më të gjerë të pikave të ofrimit të shërbimeve financiare anembanë vendit. Me mbi 750 agjenci Unionnet – Western Union mundëson kryerjen e të gjitha pagesave vetëm në një sportel.

Gjithashtu, UFT ka hedhur në treg platformën e pagesave online UPay, që ka sjellë zgjidhje dhe lehtësi si për individët, ashtu edhe për biznesin, duke u bërë një terminal pagesash për të gjithë bashkëpunëtorët dhe një portofol dixhital për të gjithë klientët që po ndjekin sfidat që sjell dixhitalizimi dhe zhvillimi i pandalshëm i teknologjisë.

**Bashkohu me një institucion me traditë, përvojë dhe vizion rajonal.**

**Apliko tani dhe bëhu pjesë e ekipit tonë profesional!**

Do të kontaktohen vetëm kandidatët që përmbushin kriteret e përzgjedhjes. Union Financiar Tiranë garanton trajtim të barabartë dhe konfidencialitet të plotë për të gjithë aplikantët.

*Union Finanaciar Trane deklaron se i përpunon të dhënat personale të aplikanteve mbështetur në Ligjin Nr. 124/2024, datë 17.01.2025, “Për mbrojtjen e të dhënave personale” dhe Udhëzimin Nr.42 datë 22.07.2014 “Për përpunimin e të dhënave personale të kandidatëve për punë”.*

*Mblidhen dhe përpunohen vetëm të dhënat e domosdoshme për qëllimet e përcaktuara.*

*Këto të dhëna mbahen të sakta dhe, kur është e nevojshme, përditësohen.*

*Të dhënat ruhen vetëm për periudhën e nevojshme sipas ligjit ose qëllimeve të përpunimit.*

*UFT garanton sigurinë dhe mbrojtja e informacionit personal.*

*Individët që aplikojnë pranë Union Finanaciar Trane pranojnë dhe janë në dijeni se të dhënat e tyre personale do të përpunohen siç e parashikon ligji.*

*Aplikantët kanë të drejtë të kërkojnë korrigjimin ose fshirjen e të dhënave personale të tyre. Për të ushtruar këtë të drejtë ata duhet të kontaktojnë në adresën e e-maili:*
***dpo@uft.al.***