Program Coordinator

Зад секое успешно заминување во САД стои некој што го водел кандидатот низ целиот процес. Некој што одговорил на првото прашање, ја проверил апликацијата, ја подготвил документацијата, внимавал на роковите и бил достапен сè до денот на заминувањето. Тоа е програмскиот координатор. WiseHunters International го проширува тимот на EARN&GO USA™ и отвора две нови позиции во канцеларијата во Скопје. Координатор на програми / Program Coordinator Позицијата е наменета за кандидат со релевантно работно искуство. Почетната нето-плата изнесува 750 евра. Јуниор координатор / Junior Program Coordinator Позицијата е наменета за дипломиран кандидат или студент во завршна година. Почетната нето-плата изнесува 600 евра. Претходното работно искуство е предност, но не е услов. Двете позиции вклучуваат платена обука, месечни бонуси за остварени резултати и можност за зголемување на платата по првите три месеци, согласно постигнатите резултати. WiseHunters International и EARN&GO USA™ ги спроведуваат програмите Summer Work Travel, Internship, Trainee и Summer Camp во рамките на BridgeUSA J-1, во соработка со овластени американски спонзорски организации. Работата опфаќа комуникација со кандидатите, обработка и проверка на апликации и документација, подготовка и доставување досиеја до американските партнери, подготовка за интервјуа и следење на сите рокови поврзани со DS-2019, SEVIS и виза. Потребни се високо образование или завршна година од студиите, активно познавање на англискиот јазик, професионална комуникација, одлична организација и внимание на детали. Најважна е одговорноста. Во оваа работа, еден пропуштен рок не е само административна грешка. Тој може да значи пропуштена можност за кандидатот. Затоа ни е потребен професионалец на кого кандидатите, американските партнери и нашиот тим можат целосно да се потпрат. За аплицирање, испрати CV и одговор на англиски јазик, во најмногу пет реченици, на прашањето: “Why do you think you can explain America to someone who has never been there?” Апликациите се испраќаат на contact@wisehunters.mk. Рокот за аплицирање е 10 август 2026 година. Работното место е во нашата канцеларија на улица Петар Поп Арсов 14 во Скопје. Burimi: https://mk.linkedin.com/jobs/view/program-coordinator-at-wise-hunters-international-workforce-operations-partner-4443209436

Niveli: mid level